Қазіргі өндірісте цифрлық құралдар мен автоматтандырылған жүйелер кеңінен қолданылуда, бұл мамандардың кәсіби қызметінің мазмұнына да әсер етеді. Осы мәселелерге Өскемен экономика және техника колледжінде «Өндірістегі 10 күн» акциясының бесінші күні арналды.

Кәсіпорын өкілдерімен кездесулер барысында студенттер мамандардың жұмысында қолданылатын технологиялар мен құралдар туралы білді. Атап айтқанда, заманауи жабдықтар, цифрлық басқару жүйелері, арнайы бағдарламалық қамтамасыз ету және өндірістік ақпараттық жүйелер қарастырылды. Сонымен қатар өндірістік міндеттерді шешу кезінде жасанды интеллект элементтерін қолдану мүмкіндіктері талқыланды.

Технологиялық ортадағы өзгерістер мамандарға қойылатын кәсіби құзыреттер талаптарына тікелей әсер етеді. Сондықтан колледж үшін оқу мазмұнын жетілдіру және студенттердің практикалық дағдыларын қалыптастыру барысында жаңа бағыттарды уақтылы ескеру маңызды.