Өскемен экономика және техника колледжінде «Өндірістегі 10 күн» акциясының үшінші күні маманның жұмыс орнын практикалық тұрғыдан зерделеуге арналды.

Студенттер кәсіпорындағы жұмыс үдерісінің қалай ұйымдастырылғанын тікелей бақылап, қандай жабдықтар қолданылатынын, қандай бағдарламалар мен технологиялар пайдаланылатынын, маманның қандай өндірістік операцияларды орындайтынын және қандай құжаттармен жұмыс істейтінін көрді. Кәсіби міндеттерді орындау кезінде қауіпсіздік талаптарын сақтауға ерекше назар аударылды.

Маманның жұмыс орнымен осындай форматта танысу білім алушыларға колледжде алған білімдерін болашақтағы нақты еңбек жағдайларымен байланыстыруға және өндірістік үдерістің әр кезеңінде маманға қажетті кәсіби құзыреттерді түсінуге мүмкіндік береді.