GRAND FEST кәсіби бағдар беру фестивалі

22 маусым күні Өскемен экономика және техника колледжінде оқушылар мен болашақ талапкерлерді колледждің даярлау бағыттарымен таныстыруға бағытталған GRAND FEST кәсіби бағдар беру фестивалі өтті.

Іс-шараның мақсаты – интерактивті алаңдарға қатысу, сондай-ақ колледж оқытушылары мен студенттерімен қарым-қатынас жасау арқылы саналы кәсіби таңдау жасауға жағдай қалыптастыру.

Фестиваль аясында «Есеп және аудит», «Маркетинг және менеджмент», «Бағдарламалық қамтамасыз ету» және «Автомобильдерге техникалық қызмет көрсету» бағыттары бойынша секциялар ұйымдастырылды. Қатысушылар ойындар, байқаулар мен интерактивті тапсырмаларға қатысып, кәсіби дағдылармен және заманауи технологиялармен танысты.

GRAND FEST фестивалін өткізу қатысушыларға колледждің білім беру ортасымен жақынырақ танысуға және болашақ мамандықты таңдауға қажетті пайдалы ақпарат алуға мүмкіндік берді.