Болашақ колледж түлектер үшін жұмысқа орналасу және мансаптық өсу перспективалары

Өскемен экономика және техника колледжінде бітіруші топ студенттерінің Мансап орталығының мамандарымен өндірістік тәжірибеден өту және кейінгі жұмысқа орналасу мәселелері бойынша кездесуі өтті.

Кездесу барысында болашақ түлектерге жұмыс берушілердің талаптары, колледжді аяқтағаннан кейінгі кәсіби даму мүмкіндіктері, түйіндеме (резюме) дайындау және әңгімелесуден сәтті өту жолдары туралы ақпарат берілді. Сонымен қатар студенттер өндірістік тәжірибені ұйымдастыру және мансаптық жолды қалыптастыру бойынша пайдалы ұсынымдар алды.

Іс-шара ашық диалог форматында өтіп, қатысушылар өздерін қызықтырған сұрақтарын қойып, кәсіби қызметке сәтті қадам басуға қажетті пайдалы кеңестерге ие болды.