Шығыс Қазақстан облысында техникалық және кәсіптік білім беру ұйымдарының талантты студенттерін, сарапшылар мен тәлімгерлерін біріктірген «WorldSkills Shygys–2026» кәсіби шеберлік бойынша аймақтық чемпионатының салтанатты ашылуы өтті. Чемпионат жастардың кәсіби дағдыларын дамытуға, жұмысшы мамандықтарының беделін арттыруға және бәсекеге қабілетті мамандар даярлауға бағытталған.

Өскемен экономика және техника колледжі чемпионатқа белсенді қатысуда. Биыл колледж студенттері 11 құзыреттілік бойынша өз білімдері мен тәжірибелік дағдыларын көрсетіп, жоғары дайындық деңгейін, кәсібилігін және жеңіске деген ұмтылысын танытады.

Чемпионатқа қатысу — өзін көрсету мүмкіндігі ғана емес, сонымен қатар студенттердің кәсіби қалыптасуындағы, тәжірибе алмасуындағы және практикалық дағдыларын жетілдірудегі маңызды кезең. Қатысушыларды дайындау оқытушылар мен өндірістік оқыту шеберлерінің қолдауымен жүргізілді.

Қатысушыларымызға сенімділік, жоғары нәтиже және «WorldSkills Shygys–2026» чемпионатында жарқын жеңістер тілейміз!