Әлеуметтік серіктестік: «Казцинкпен бірге мансап жолы»
Өскемен экономика және техника колледжі Колледждер альянсы аясында Компания қызметкерлері мен олардың 9 және 11 сынып бітіруші балаларына арналған «Казцинкпен бірге мансап жолы» кәсіптік бағдар беру кездесуіне қатысты.
Іс-шараның мақсаты – болашақ талапкерлерді сұранысқа ие даярлау бағыттары, оқуға түсу шарттары және болашақ кәсіби даму мүмкіндіктері туралы ақпараттандыру болды. Кездесу барысында техникалық және кәсіптік білім беру ұйымдарының өкілдері білім беру бағдарламаларын таныстырып, қатысушыларды қазіргі еңбек нарығында сұранысқа ие мамандықтармен таныстырды.
Өскемен экономика және техника колледжі колледж мамандықтарын таныстырып, қатысушыларға оқу шарттары, өндірістік тәжірибеден өту мүмкіндіктері және түлектерді жұмысқа орналастыру перспективалары туралы ақпарат берді.
Осындай кәсіптік бағдар беру іс-шараларын өткізу мектеп бітірушілерінің болашақ мамандықты саналы түрде таңдауына ықпал етіп, білім беру ұйымдары, жұмыс берушілер және ата-аналар қауымдастығы арасындағы өзара ынтымақтастықты нығайтуға мүмкіндік береді.
