«Заң және тәртіп» жобасы аясындағы телемост: жастар арасындағы есірткі қылмыстарының алдын алу
«Заң және тәртіп» жобасы аясында Өскемен экономика және техника колледжінде сотталған азаматтардың қатысуымен студенттерге арналған телемост ұйымдастырылды. Іс-шара жастардың есірткінің заңсыз айналымына тартылуының алдын алуға және студенттердің құқықтық мәдениетін қалыптастыруға бағытталды.
Талқылауға прокуратура органдарының, қылмыстық-атқару жүйесі департаментінің, есірткі қылмысына қарсы іс-қимыл басқармасының өкілдері, сондай-ақ «Жастар Рухы» қоғамдық бірлестігінің өңірлік филиалы қатысты. Спикерлер есірткі құралдарының заңсыз айналымының құқықтық салдарын түсіндіріп, Қазақстан Республикасының заңнамасында көзделген жауапкершілік туралы ақпарат берді.
Есірткі заттарын сақтау, тарату және жарнамалау ауыр қылмыстар санатына жататыны және олардың соңы бас бостандығынан айыру жазасына дейін алып келуі мүмкін екені атап өтілді. Тіпті бір ғана құқықбұзушылықтың өзі жас адамның болашағына кері әсер етуі мүмкін екендігі ерекше айтылды.
Телемост барысында сотталған азаматтар өз қателіктері мен оның салдары туралы баяндап, жастарды заңға бағынатын өмір салтын таңдауға шақырған бейнематериалдар көрсетілді. Колледж алдағы уақытта да студенттердің жауапты азаматтық ұстанымын қалыптастыруға бағытталған профилактикалық іс-шараларды жалғастырады.
