Студенттерді «AITU KAZ ROBO DRON 3.0»
өңірлік іріктеу кезеңдеріне даярлау
Өскемен экономика және техника колледжінде ТОО «Astana IT University» ұйымдастыратын дрон-рейсинг және авиамодельдеу бойынша «AITU KAZ ROBO DRON 3.0» халықаралық байқауының өңірлік іріктеу кезеңдеріне студенттерді белсенді түрде даярлау жүргізілуде.
Оқытушылардың жетекшілігімен білім алушылар ұшқышсыз ұшу аппараттарын басқару негіздерін меңгеріп, дрондарды басқару дағдыларын жетілдіруде, авиамодельдеудің қағидаттарын, сондай-ақ байқау тапсырмаларының талаптары мен регламентін зерделеуде. Практикалық даярлыққа, техникалық ойлауды дамытуға, командалық жұмысқа және қауіпсіздік техникасын сақтауға ерекше көңіл бөлінуде.
Өңірлік іріктеу кезеңдеріне қатысу студенттерге өздерінің кәсіби құзыреттіліктерін көрсетуге, құнды жарыстық тәжірибе жинақтауға және колледжді өңірлік, республикалық әрі халықаралық деңгейлерде лайықты таныстыруға мүмкіндік береді. Байқауға даярлық инженерлік және цифрлық дағдылардың дамуына ықпал етіп, білім алушылардың заманауи технологиялар мен инновациялық бағыттарға деген қызығушылығын арттырады.
