Колледж студенті қол күрестен Қазақстан чемпионатында екі алтын медаль иеленді
Өскемен экономика және техника колледжінің студенті Енин Богдан мүмкіндігі шектеулі спортшылар арасындағы қол күрестен Қазақстан Республикасы чемпионатында +65 кг салмақ дәрежесінде сол және оң қол бойынша I орын иеленді.
Жарыс Қазақстан Республикасы Туризм және спорт министрлігінің Спорт және дене шынықтыру істері комитетінің ұйымдастыруымен өткізіліп, елдің әр өңірінен келген мықты спортшыларды біріктірді. Бірнеше күнге созылған чемпионат барысында қатысушылар жоғары дайындық деңгейін, ерік-жігерін және жеңіске деген ұмтылысын көрсетті.
Көптеген спортшылар үшін бұл чемпионат тек сынақ қана емес, сонымен қатар спорттың шекарасыз екенін дәлелдеудің тамаша мүмкіндігі болды. Мұндай іс-шаралар инклюзивті спорттың дамуына және ерекше қажеттіліктері бар адамдарға деген құрмет пен түсіністікті арттыруға ықпал етеді.
Богданды лайықты жеңісімен құттықтаймыз! Оған спорттағы жаңа жетістіктер мен толағай табыстар тілейміз!