Гендерлік зорлық-зомбылықтың алдын алу: хабардарлық және қорғаныс әдістері

Өскемен экономика және техника колледжінде студенттер қоғамдық бірлестік өкілі, психолог Русина Людмила Анатольевнамен кездесті. Ол «АИТВ-мен өмір сүретін адамдарды қолдау «КУАТ» ұйымының маманы. Кездесудің тақырыбы – «Гендерлік зорлық-зомбылықтың алдын алу». Іс-шараның мақсаты – жасөспірімдердің отбасылық зорлық-зомбылық пен ерте кезеңдегі қатыгез қарым-қатынас туралы хабардарлығын арттыру, деструктивті мінез-құлықтан аулақ болуға көмектесетін дағдыларды дамыту, сондай-ақ қарсы жынысқа қатысты жағымсыз эмоцияларды саналы және қауіпсіз түрде білдіруге үйрету.

Кездесу барысында зорлық-зомбылық, гендерлік құрмет, рөлдік стереотиптер және олардың агрессияға әсері сияқты негізгі ұғымдар талқыланды. Студенттер балалар мен әйелдерге қатысты зорлық-зомбылық туралы бейнеролик көріп, оның салдары мен алдын алу жолдары туралы ақпарат алды. Сондай-ақ, өзін-өзі қорғау әдістері мен қауіпті жағдайларда қауіпсіздік жоспарын құру мәселелері қарастырылды.