КАСУ-мен халықаралық ынтымақтастық: Кэтлин Хайттың шеберлік сабағы (АҚШ)

Өскемен экономика және техника колледжінде Co-Serve International қорының (Портленд, Орегон, АҚШ) сертификатталған ағылшын тілі мұғалімі Кэтлин Хайтпен шеберлік сабағы өтті.

Сабақ интерактивті форматта өтті: студенттер ағылшын тілінде сөйлесу дағдыларын дамыту және өзіне деген сенімділікті арттыру мақсатында диалогтарға, ойындарға және командалық тапсырмаларға белсене қатысты. Кэтлин заманауи оқыту әдістерін ұсынып, тәжірибеге, мотивацияға және командалық жұмысқа ерекше назар аударды.

Сондай-ақ,  ол Co-Serve International қорының қызметі туралы айтып берді, бұл қор әлем бойынша жастардың көшбасшылық қасиеттерін дамыту және білім беру бастамаларын қолдаумен айналысады.

Шеберлік сабағы халықаралық ынтымақтастықтың нәтижелі үлгісі болып, студенттердің тілдік дайындығын арттыруға елеулі үлес қосты. Колледждің жоспарында — академиялық байланыстарды нығайту және білім беру саласындағы халықаралық ынтымақтастықты одан әрі кеңейту.