Куратор не оқиды?

«Оқуға құштар колледж» шарасы аясында студенттер арасында кітап оқуды насихаттау мақсатында «Куратор не оқиды?» акциясы өтті. Кураторлар өздерінің сүйікті кітаптарымен бөлісіп, олардың маңызы мен әсері туралы әңгімеледі.

Іс-шара барысында Мұхтар Әуезовтің «Абай жолы» романы таныстырылды. Бұл шығарма ұлы қазақ ақыны, ойшылы әрі ағартушысы Абай Құнанбаевтың өмірі мен оның тарихи-мәдени маңызын баяндайды. Сондай-ақ, Маргарет Митчеллдің «Желмен кеткендер» романы ұсынылды, ол азаматтық соғыс кезеңіндегі әйелдің күш-жігері, табандылығы мен қиындықтарды жеңу қабілеті туралы баяндайды.

Акция студенттердің қызығушылығын оятып, көптеген қатысушылар ұсынылған шығармаларды оқуға ниет білдірді. Кездесу форматы оқу ортасын дамытуға және жастарды саналы кітап оқуға ынталандыруға ықпал етті.

Поделиться: