Балаларға көрсеткен көмегі үшін колледжге алғыс
Өскемен қаласындағы «Мамандандырылған балалар үйінің» КММ әкімшілігі Өскемен экономика және техника колледжінің директоры Набиев Ерсайын Ахметуәлиұлына демеушілік көмек көрсеткені үшін алғыс хат табыс етті. Наурыз мейрамы қарсаңында колледж ұжымы балалар үйіне барып, тәрбиеленушілерге қажетті заттар мен азық-түлік жеткізді. Бұл игі іс қамқорлық пен жанашырлықтың айқын көрінісі болды.
Айта кету керек, колледж қайырымдылық бастамаларына тұрақты түрде қатысып, балаларға көмек көрсетіп, олардың әл-ауқатына өз үлесін қосуда.
Алғыс хат әлеуметтік жауапкершілік пен қайырымдылықтың маңыздылығын айқындайды. Мұндай бастамалар балалардың өмір сүру жағдайларын жақсартуға ғана емес, сонымен қатар айналадағы адамдарды игі істерге ынталандырып, қоғамда жылылық, қамқорлық және бірлік атмосферасын қалыптастыруға септігін тигізеді.
