АИТВ-ның алдын алу бойынша 1-курс студенттеріне дәріс
Өскемен экономика және техника колледжінде 1-курс студенттеріне АИТВ-ның алдын алу тақырыбында дәріс өтті. Кездесуді ЖИТС орталығының эпидемиолог дәрігері Аукенова Аяулым Еркінқызы өткізді.
Дәріс барысында студенттерге АИТВ инфекциясының жұғу жолдары, сақтану шаралары және тұрақты түрде тестілеуден өтудің маңызы туралы айтылды. Лектор хабардарлық пен өз денсаулығына жауапкершілікпен қарау – аурудың алдын алудың негізгі жолдары екенін атап өтті.
Студенттер белсенді түрде талқылауға қатысып, сұрақтар қойып, кәсіби жауаптар алды. Бұл дәріс жастардың өз денсаулығына және айналасындағы адамдардың денсаулығына саналы көзқарасын қалыптастыруға маңызды қадам болды.
