Денсаулықты таңдаңыз: колледж жатақханасында
профилактикалық дәріс өтті
Өскемен экономика және техника колледжінің жатақханасында медициналық маманның қатысуымен профилактикалық жиналыс өтті. Шараның негізгі мақсаты — студенттердің есірткі заттарын қолданудың зияны туралы хабардарлығын арттыру және денсаулыққа жауапкершілікпен қарау мәдениетін қалыптастыру болды.
Кездесу барысында медициналық маман есірткінің адам ағзасының физикалық және психикалық жағдайына теріс әсері туралы жан-жақты түсіндіріп, оның өмір сапасына, кәсіби болашағына және жастардың әлеуметтік әл-ауқатына ықпал етуі мүмкін салдарлары туралы айтты.
Студенттер өздерін қызықтырған сұрақтарын қойып, маңызды ақпарат алды және салауатты өмір салтының маңыздылығын талқылады. Ашық диалог форматы қатысушыларға есірткі қолданумен байланысты қауіптерді тереңірек түсінуге мүмкіндік берді.
Мұндай кездесулер қауіпсіз білім беру ортасын қалыптастыруға және білім алушылардың хабардарлығын арттыруға ықпал етеді.
