Әлеуметтік серіктестік: өндірістік тәжірибені
ұйымдастыруға алғыс хат
«1С Рейтинг» ЖШС колледж әкімшілігі мен педагогикалық ұжымына студенттердің өндірістік тәжірибесін ұйымдастыру және өткізу саласында жемісті ынтымақтастығы үшін алғыс білдірді.
Директор Нәбиев Ерсайын Ахметуәлиұлының атына жіберілген алғыс хатта практикалық тәжірибе барысында студенттердің жоғары кәсіби дайындық деңгейін, тәртіптілігін, жауапкершілігін және берілген тапсырмаларды мұқият орындау қабілетін көрсеттігі атап өтілген. Студенттер кәсіби қызметке байыпты қарап, нақты жұмыс процесінің шарттарына тиімді бейімделе алғандығы көрсетілді.
Өндіріс өкілдерінің бағалауынша, практиканттар өз міндеттерін сәтті орындап, кәсіби құзыреттердің қалыптасқанын және болашақта еңбек қызметіне дайын екенін дәлелдеді.
Хатта сондай-ақ колледж білікті мамандар даярлауда жүйелі жұмыс жүргізіп, жұмыс берушілермен өзара әрекетті белсенді дамытып отырғаны атап өтілген. Ынтымақтастық аясында тұрақты түрде кәсіби бағдар беру іс-шаралары, қонақ дәрістер және студенттермен кездесулер өткізіліп, олардың практикалық дағдыларын қалыптастыруға және қазіргі еңбек нарығының талаптарымен танысуға бағытталған.