«IT Бухгалтер» республикалық байқауында жүлделі орын
Өскемен экономика және техника колледжінің студенттері «IT Бухгалтер» республикалық байқауында сәтті өнер көрсетіп, Қазақстан Республикасының техникалық және кәсіптік, орта білімнен кейінгі білім беру ұйымдарының студенттері арасында III жүлделі орынға ие болды.
Байқауға еліміздің түрлі өңірлерінен келген колледж студенттері қатысты. Қатысушылар бухгалтерлік есеп және қаржылық талдау саласындағы білімдерін, сондай-ақ бухгалтердің кәсіби қызметінде қолданылатын заманауи ақпараттық жүйелер мен цифрлық құралдармен жұмыс істеу дағдыларын көрсетті.
Колледж командасы жоғары дайындық деңгейін танытып, теориялық білімдерін тәжірибеде сәтті қолдана білді және республикалық деңгейде өз оқу орнын лайықты түрде таныстырды.
Студенттерді байқауға дайындаған — экономикалық бағыттағы арнайы пәндер оқытушысы Тлеулесова Гүлим Жамаладиловна. Ол – үлкен кәсіби және педагогикалық тәжірибесі бар білікті ұстаз. Оның жоғары құзыреттілігі, әдістемелік қолдауы және мұқият жетекшілігі қатысушыларды байқауға сәтті дайындауда маңызды рөл атқарды.
Колледж ұжымы студенттер мен олардың жетекшісін лайықты нәтижемен құттықтап, алдағы уақытта да табыстар, жаңа жетістіктер және кәсіби өсу тілейді.
