Өскемен экономика және техника колледжінің оқытушылары Қазақстан Республикасының Президентінің Жолдауын тыңдады
Өскемен экономика және техника колледжінде Қазақстан Республикасының Президенті Қасым-Жомарт Тоқаевтың халыққа арнаған «Жасанды интеллект дәуіріндегі Қазақстан: өзекті міндеттер және оларды цифрлық трансформация арқылы шешу» атты Жолдауын ұжым болып тыңдау ұйымдастырылды.
Өз сөзінде Мемлекет басшысы білім беру саласы мен жаңа экономика үшін мамандар даярлау мәселелеріне айрықша назар аударды. Президент студенттердің жасанды интеллект пен ақпараттық технологиялар саласындағы құзыреттерін қалыптастырудың, сондай-ақ педагогтардың біліктілігін арттырып, заманауи инновациялық шешімдерді оқу үдерісінде тиімді пайдаланудың маңыздылығын атап өтті.
Колледж оқытушылары бұл бастамалардың маңыздылығын атап көрсетті, өйткені олар болашақ экономика, менеджмент және техникалық бағыттағы мамандарды даярлаумен тікелей байланысты. Олардың пікірінше, білім беру жүйесіне цифрлық шешімдерді енгізу қазіргі еңбек нарығы талаптарына сай кадрлар даярлау сапасын арттыруға мүмкіндік береді.
Колледж ұжымы оқу үдерісінде жаңа технологияларды белсенді қолдануға және кәсіби дағдыларын жетілдіруге дайын екендіктерін білдірді. Бұл – Президент Жолдауында айқындалған стратегиялық міндеттерді жүзеге асыруға қосқан үлес болмақ.
