«Мамандықтар жаршысы» байқауындағы жеңіс — колледж жұмысының тиімділігін мойындау
«Өскемен экономика және техника колледжі» ЖШС Жұмысшы мамандықтар жылы аясында өткізілген, ақпараттық сүйемелдеуді үздік ұйымдастырғаны үшін арналған «Вестник профессий» байқауында I орынға ие болды.
Байқаудың мақсаты — жастар арасында жұмысшы мамандықтарын кеңінен насихаттау және олардың беделін арттыру. Байқау аясында білім беру ұйымдары өздерінің ресми Instagram парақшаларында жұмысшы мамандықтардың ерекшеліктерін, кәсіби өсу мүмкіндіктерін, сондай-ақ студенттер мен түлектердің жетістіктерін таныстыратын материалдар жариялады.
Қазылар алқасы колледждің Instagram парақшасын жоғары бағалап, ақпараттық жұмысты жүйелі жүргізуі, контенттің өзектілігі мен сапасы, сондай-ақ аудиториямен белсенді байланыс орнатуы үшін ерекше атап өтті. Колледж жарияланымдары өңір мен елдің әлеуметтік-экономикалық дамуы үшін жұмысшы мамандықтардың маңыздылығын айқын көрсетті.
Байқау қорытындысы ұжым жұмысының тиімділігін, жұмысшы мамандықтардың оң имиджін қалыптастыруға қосқан үлесін дәлелдеп, колледждің өңірдегі белсенді әрі заманауи білім беру ұйымдарының бірі ретіндегі орнын нығайтты.