«Мен – кәсіпкермін» бизнес-жобалар облыстық турнирінің жеңімпаздары арасындағы іріктеу туры
Өскемен экономика және техника колледжінде «Мен – кәсіпкермін» бизнес-жобалар облыстық турнирінің жеңімпаздары арасындағы іріктеу туры өтті. Іс-шарада өңірлік деңгейде жоғары бағаланған идеялары бар ең креативті және бастамашыл студенттер бас қосты.
Қатысушылар өз жобаларын ұсынып, тек тың әрі практикалық маңызы бар бастамаларын ғана емес, сонымен қатар олардың экономикалық тиімділігі мен әлеуметтік пайдасын негіздей білу қабілеттерін көрсетті.
Экономика, кәсіпкерлік және білім беру саласының мамандарынан құралған қазылар алқасы жұмыстарды мынадай негізгі критерийлер бойынша бағалады: инновациялық ерекшелігі, іске асырылу мүмкіндігі, қоғамға тигізер пайдасы және жобаны таныстыру сапасы.
Іріктеу нәтижесінде республикалық турнирде Шығыс Қазақстан облысының намысын қорғайтын студенттер анықталды. Олардың жетістіктері өңір жастарының кәсіпкерлік дағдыларын дамытуға ұмтылысын және ел экономикасына үлес қоса алатын идеяларды жүзеге асыруға дайындығын айқын көрсетті.
