Білім берудегі жасанды интеллект: педагогтардың цифрлық құзыреттерін дамыту

Өскемен экономика және техника колледжінде оқытушылардың біліктілігін арттыру бағдарламасының жасанды интеллектті білім беру үдерісінде қолдануға арналған екінші кезеңі басталды.

Оқыту білім беруді цифрландыру бағдарламасы аясында өткізіліп, педагогтардың заманауи технологиялар саласындағы құзыреттерін дамытуға бағытталған. Сабақ барысында қатысушылар жасанды интеллекттің мүмкіндіктерімен танысып, оны оқу үдерісінде, оқу курстарын жоспарлауда, тапсырмаларды автоматтандырылған түрде тексеруде және білім беру деректерін талдауда қолдану тәсілдерін меңгереді.

Колледж инновацияларды белсенді енгізуді жалғастырып, білім сапасын және педагогикалық құрамның кәсіби деңгейін арттыруда.