Интеллектуалдық турнир УК КЭТ: үздіктер анықталды

Өскемен экономика және техника колледжінде интеллектуалдық үстел ойындары — шахмат және  тоғызқұмалақ бойынша турнир өтті. Бұл жарыс студенттердің арасынан облыстық байқауға қатысатын ең мықты ойыншыларды анықтап, колледждің құрама командасын қалыптастыру мақсатында ұйымдастырылды.

Турнирге стратегиялық ойындарға қызығушылық танытқан, аналитикалық ойлау қабілеті жоғары, сабырлылық пен тактика құру дағдыларын көрсеткен 21 студент қатысты. Жарыс атмосферасы белсенді, шабыттандыратын және қатысушыларды адал бәсекелестік рухымен біріктірді.

Шахмат турнирінің жеңімпаздары: Стоякин Илья — 1 орын, Лебедев Александр — 2 орын, Сахитов Данияр — 3 орын. Ал тоғызқұмалақ ойынында үздік нәтиже көрсеткендер: Жанболатқызы Динара — 1 орын, сондай-ақ жүлделі үштіктің қатарынан көрінгендер Тоқтарбаев Мирас және Жеткіншенов Мейрам.

Мұндай турнирлер студенттердің логикалық ойлауын дамытып, өзіне деген сенімділігін арттырады әрі олардың зияткерлік әлеуетін ашуға мүмкіндік береді. Іріктеуден өткен қатысушылар келесі кезеңге дайындықты бастап кетті және колледж намысын облыстық деңгейде қорғауға әзір.