Жұмысшы мамандықтар жылы: колледж студенттері «Востокмашзавод» АҚ-на таныстыру сапарына қатысты

Өскемен экономика және техника колледжі мен Шығыс Қазақстан облыстық «Кәсіподақ орталығы» аумақтық кәсіподақтар бірлестігі арасында жасалған ынтымақтастық туралы меморандумға сәйкес «Автомобиль көлігін техникалық қызмет көрсету, жөндеу және пайдалану» мамандығының студенттері «Востокмашзавод» акционерлік қоғамына таныстыру экскурсиясына қатысты.

Экскурсия Жұмысшы мамандықтар жылы аясында ұйымдастырылып, студенттердің өңірдегі жетекші өнеркәсіптік кәсіпорынның өндірістік үдерістерімен, заманауи жабдықтарымен және еңбек жағдайларымен танысуына маңызды мүмкіндік болды.

Зауытқа бару барысында студенттер өндірістік үдерістердің ұйымдастырылуымен танысып, заманауи жабдықтардың жұмысын көрді, мамандардың қызметін бақылады, сондай-ақ қызықтырған сұрақтарына жауап алып, тәжірибелік білім жинады.

Кәсіпорынды аралау студенттер үшін теориялық білімді нақты өндірістік жағдайлармен ұштастыруға көмектескен маңызды тәжірибе болды.