Антикоррупциялық мәдениет: білім беру ортасындағы этикалық мінез-құлықты қалыптастыру

Өскемен экономика және техника колледжінде оқытушылар құрамына арналған «Квазимемлекеттік секторда адалдық мәдениетін нығайту және мүдделер қақтығысының алдын алу» тақырыбында лекция өткізілді. Іс-шараның мақсаты — педагогтардың құқықтық сауаттылығын арттыру, этикалық мінез-құлық дағдыларын қалыптастыру және білім беру ортасында антикоррупциялық мәдениетті дамыту болды.

Лекция барысында квазимемлекеттік ұйымдар қызметкерлерінің адалдық қағидаттарын қамтамасыз ету тетіктері мен негізгі ұғымдары қарастырылды. Сондай-ақ Қазақстан Республикасының сыбайлас жемқорлыққа қарсы саясат саласындағы нормативтік-құқықтық базасы, білім беру ұйымдарында мүдделер қақтығысының туындау белгілері мен типтік жағдайлары, қызметтік этиканы бұзғаны үшін қызметкерлердің жауапкершілігі, ішкі бақылау тетіктері және басқару процестерінің ашықтығын қамтамасыз ету мәселелері талқыланды. Сонымен бірге білім беру ұйымдарының адалдық пен ашықтық мәдениетін қалыптастырудағы маңызды рөлі атап өтілді.

Аталған лекция колледждің антикоррупциялық мәдениетті нығайтуға бағытталған жүйелі жұмысының маңызды кезеңі болды. Алынған ақпарат пен білім кадрлық саясатты жетілдіруге, қызметтің ашықтығын арттыруға және заңдылық, жауапкершілік пен адалдық қағидаттарына негізделген кәсіби орта қалыптастыруға ықпал етеді.